“Mjeshtri”, kompania që iu gjendet për gjithçka vetëm me një telefonatë

“Mjeshtri” është brend i Hy-Eco, i cili ofron shërbime mirëmbajtëse dhe instaluese lidhur me ujin, rrymën, nxehjen si dhe riparime të ndryshme. Mjafton të telefononi në 038/044/045/049/ 75 75 75, prej orës 08:00 – 17:00 dhe “Mjeshtri” vjen në shtëpinë tuaj. Por, në rast se ju keni nevojë urgjente, “Mjeshtri” është 24 orë në dispozicion tuajin dhe do t’ua sanojë problemin.

“Kompania ‘Hymeri Kleemann’, e cila vazhdimisht ka ofruar mirëmbajtje për banesa dhe ashensorë, nga tetori i 2014-ës, e ka parë të nevojshme krijimin një kompanie tjetër të veçantë, që në këtë rast është ‘Mjeshtri’. Ideja e kësaj kompanie është sajimi i probleme të ndryshme të ujit, rrymës, ngrohjes, etj..”, tregon për Express menaxheri ekzekutiv i kompanisë, Dren Berisha. Shërbimet e Mjeshtrit përfshijnë: riparimet e bojlerit, problemet me lavariçe, ndërrimin e siguresave dhe prizave, riparimet e dyerve dhe dritareve, ndërrimin e bravave e shumë e shumë shërbime tjera. “Mjeshtri” ofron edhe shërbimin e kontrollit të gypave të ndryshëm me kamera.

“Mjeshtri” është gjithmonë i gatshëm të rregullojë çdo problem që ju mund të keni në shtëpinë apo zyrën tuaj duke mos pritur gjatë.

“Stafi ynë ofron shërbime profesionale dhe efikase, me kujdes të veçantë që çdo nevojë e juaja të ketë një zgjidhje të thjeshtë dhe të shpejtë. “Mjeshtri” vjen tek ti për 15 minuta, apo më së shumti një orë“, tregon Berisha.

Po ashtu kjo kompani karakterizohet edhe çmime të favorshme dhe transparencë tek konsumatorët. Berisha tregon se: “‘Mjeshtri’ ofron çmime të volitshme për secilin shërbim, dhe për çdo pjesë që ju duheni ndërruar ju ofron transparencë në çmime me anë të faturave të “Al Trade – Bau Market”, ku edhe furnizohemi me ato pjesë“. Se ‘Mjeshtri’ ju kryen secilën punë që ju keni nevojë tregon edhe njëri nga punëtoret e kësaj kompanie, Ilir Gashi. Ai rrëfen një eksperiencë interesante gjatë punës dhe për një kërkesë shumë të veçantë që i është bërë. “Një herë më ka telefonuar njëri dhe me ka lutur për ndihmë për ta izoluar një kolibe të qenit, sepse nuk kishte kohë dhe kush të ja izolonte. Dhe ia izolova”, tregon Gashi për Express.

 

Babadimrat e Hy-Eco’s shpërndajnë dhurata për fëmijët e klientëve

Në prag të vitit të ri, kompanitë 'Hymeri Kleemann', 'Hy-Eco' dhe 'Mjeshtri' kanë shpërndarë dhurata për më të vegjlit e klientëve të tyre, para disa banesave në lagje të ndryshme të Prishtinës.

Festës së Vitit të Ri më së shumti i gëzohen fëmijët dhe për këtë arsyeje Babadimrat e tri këtyre kompanive lider në fushat e tyre, Hymeri Kleemann, Hy-Eco dhe Mjeshtri të shtunën dhe të hënën kanë shpërndarë dhurata për fëmijët e mbi 3000 klientëve të tyre në lokacione të ndryshme të kryeqytetit. Dhurata janë shpërndarë në të gjitha banesat ku këto kompani kanë klientë të regjistruar.

E natyrisht gëzimi dhe buzëqeshja e fëmijëve nuk ka munguar kur kanë parë babadimrat. Ata menjëherë vraponin për të marrë nga një dhuratë apo edhe për të bërë fotografi me 'babagjyshat' mjekërbardhë. I njëjti aksion i shpërndarjes së dhuratave është zhvilluar edhe para banesave të familjeve me asistencë sociale.

Dhurata ka pasur edhe për ata fëmijë që nuk i kanë dalë për ti pritur babadimrat. Ata u kanë lënë nga një dhuratë tek secila hyrje në këto banesa. Babadimrat në të vërtetë ishin punëtoret e këtyre tri kompanive. E një nga ta ishte edhe menaxheri ekzekutiv, Dren Berisha, i cili foli për Express rreth këtij aktiviteti.

 

"Për herë të parë, Hymeri Klemann, Hy-Eco dhe Mjeshtri, kemi marrë si iniciativë që të shpërndajmë dhurata për të gjithë fëmijët e klientëve tanë", tha Berisha.

"Përafërsisht i kemi të regjistruar rreth 3000 klientë. Të shtunën dhe të hënën kemi dalë në lokacione të ndryshme, para banesave të ndryshme të cilat ne i mirëmbajmë", ka treguar tutje Dren Berisha.

Hymeri Kleemann dhe Hy-Eco dhe Mjeshtri, janë kompani të cilat mirëmbajnë, kryejnë riparime dhe instalime të ndryshme shtëpiake në Prishtinë. Shërbimet e tyre përfshijnë: projektim, instalim, mirëmbajtje, servisim të ashensorëve, pastrim dhe mirëmbajtje e përgjithshme e objekteve dhe shërbimet tjera si uji, rryma, nxemja dhe riparimet e tjera në shtëpi.

Ndërsa ky aktivitet ishte si dhuratë dhe falënderim për fundvit, për të gjithë klientët e tyre që vazhdimisht u kanë qëndruar besnik.